خلع الأسنان اللبنية للأطفال صح ولا غلط؟؟ مع الدكتور محمد خليفة

نصائح يقدمها دكتور محمد خليفة عضو الأكاديمية الأمريكية لتجميل الاسنان وطبيب بالجمعية المصرية لزراعة الأسنان للحفاظ على أسنان أطفالنا.

كتير من الاطفال نتيجة الاهمال في بداية فتره الطفولة فيه اسنان بتكون حصل فيها تسوس كبير او خراج وأدي إلي أن الاسنان دي إتخلعت قبل معاد تبديل الأسنان الدايمه لها بفتره كبيره ودا للأسف بيعمل مشكله كبيره !!

إزاي يا دكتور هيعمل مشكله؟

لما بنخلع الاسنان اللبنية في وقت بدري اوي عن معاد طلوع الاسنان الدايمه لها بيفضل مكانها فاضي فتره كبيره ودا للأسف بيدي فرصه للأسنان الدايمه اللي جمب الفراغ دا انها تتحرك فيه وبالتالي لما يجي وقت طلوع الاسنان الدايمه للأسنان اللي خلعناها بدري مش بتلاقي المساحة الكافية لها بتضطر انها تزق الاسنان اللي قدامها او تطلع في اتجاه غير اتجاها الطبيعي ودا للأسف بيأثر علي شكل الاسنان وتناسقها وكمان شكل الوجه ودا واضح جدا في معظم الحالات اللي بتحتاج تقويم

طيب وايه الحل يا دكتور؟

لو حاله الاسنان دي تسمح انها تتحشي فبدون تفكير نبعد عن اننا نخلعها ونحافظ عليها عشان تفضل حافظه مكان للأسنان الدايمه اللي هتطلع مكانها.

طيب يا دكتور لو حاله الاسنان وصلت انها لازم تتخلع !؟

يبقي لازم وقتها بعد الخلع نهتم اننا نعمل حافظ مسافه للطفل وهو جهاز صغير جدا بنركبه علي اسنانه ومش مكلف وبيفضل حافظ مساحه للأسنان الدايمه لحد ما تظهر وقتها بنشيله

الحل في ادينا وبيكون سهل ودا بيمنع مشاكل كتير جدا ممكن تحصل لأولادنا لما يكبروا وتحتاج وقت كبير وتكلفه عالية عشان تتعالج فاحنا لسه فيها.

لمزيد من المعلومات:

د. محمد خليفة

عضو الاكاديمية الامريكية لتجميل الاسنان

وطبيب بالجمعية المصرية لزراعة الاسنان

13 شارع محمود رضا سيدي بشر الإسكندريه

تليفون: 01001624787

صفحة الفيس بوك: https://www.facebook.com/dentist.khalifa

 

 

التعليقات

التعليق