العلاج التحفظي ولا الجراحة؟؟؟

توضيح  هام من دكتور أحمد منير الدرس أخصائي جراحة العظام و المفاصل عن أهمية الفرق بين العلاج التحفظي وإجراء عملية جراحية وتعريفه عن ما هو العلاج التحفظي؟

كتير من المرضى بيحتاروا ومش بيقدروا يقرروا, هل نعمل عملية جراحية ولا نستمر بالعلاج التحفظي…
طيب مبدئيا كدا, لازم يكون فيه تشخيص صحيح ودواعي كافيه عشان ناخد علاج سواء دوائي او جراحي

التشخيص بيكون من خلال مجموعة خطوات بيجريها الطبيب (تاريخ مرضى, كشف طبى, فحص سريري, اشعه, تحاليل)
باختلاف الحالة المرضية بيكون كل الخطوات دي مطلوبة او بعض منها او اكتر…

بعد كدا بنقرر علاج تحفظي ام جراحي ..

العلاج التحفظي ينقسم الى:
1- الدواء
2- العلاج الطبيعي
3- التعليمات (اسلوب الحياه اليومية) اللي بينصحك بها الطبيب

بالنسبة للدواء :
مفيش دواء ملهوش اعراض جانبيه, يعنى لازم ناخد الدواء بمعرفة الطبيب المعالج ( يعنى نعرف يتاخد ازاى وامتى ولمدة اد ايه وايه الأعراض الجانبية اللي ممكن تحصل)
لازم نتابع مع الطبيب مسيرة العلاج (يعنى مينفعش نوقف دواء او نغيره بمزاجنا, حتى لو مجبش نتيجة)
في حالة لو حسينا بأي عرض جديد بعد تناولنا لدواء معين يبقى لازم ارجع لنفس الطبيب واتابع معاه

*لو رحلة العلاج مع الطبيب مجبتش نتيجة  أو ربنا موفقوش في علاجك أو لو محستش بتحسن على علاجه ده مش معناه أنه طبيب مش شاطر, ابدا هو الموضوع توفيق من ربنا مش اكتر…

– مسالة تغير الطبيب المعالج دي ممكن ولكن في مواقف معينه بس لو قررت التغيير ففي الحالة دي لازم الدكتور اللي حيتم استشارته يكون متخصص في نفس المجال يعنى مثلا متخدش رأي طبيب متخصص في المناظير في عملية جراحة يد أو إصلاح تشوهات.
-وأهم حاجة انك تكون مرتاح للطبيب نفسيا, مش فرض عليك طبيب معين أو مستشفى معينه أهم حاجه الراحة النفسية لأنها بتمثل نسبة كبيرة في العلاج..

وأفتكر دايما ان ربنا وحده هو الشافي, الطبيب مجرد سبب للعلاج مش اكتر

لمزيد من المعلومات:

دكتور: أحمد منير الدرس

أخصائي جراحة العظام والمفاصل

ماجيستير جراحة العظام بكلية القصر العيني

دبلومة اصلاح تشوهات و إطالة العظام – اتحاد الاطباء العرب

العنوان: 2 برج الاطباء شارع زغلول- بجوار سوق البطران – الهرم- الجيزة

المواعيد : من 5 مساء الي 10 مساء

تليفون:

 للحجز والاستفسار: 01117106033 

للطوارئ: 01019799238

صفحة الفيس بوك: https://www.facebook.com/AhmedMounirAlDars/?referrer=whatsapp

التعليقات

التعليق