اعمل زراعه ولا تركيبات ؟؟!

مع انتشار تركيبات وزراعة الأسنان والتفكير بين ايهم أفضل يجيب دكتور محمد خليفة عضو الأكاديمية الأمريكية لتجميل الاسنان وطبيب بالجمعية المصرية لزراعة الاسنان ويقدم نصيحة لقراء طبيب اون لاين بأفضلية زراعة الأسنان عن التركيبات.

هو انا دلوقتي لو خلعت سنه او ضرس او برضه عندي اسنان ملهاش حل غير الخلع .. اعمل زراعه ولا تركيبات ؟؟!

بدون شك الزراعه هي افضل من التركيبات لتعويض اي اسنان اتخلعت او لسه حتتخلع .

يعني ايه لسا حتتخلع ؟

يعني انت ممكن تخلع وتعمل زراعه في نفس الوقت ودا بينفع مع حالات كتيره جدا 😊

طيب خلينا في موضوعنا بقي ليه الزراعه افضل من التركيبات ؟

ده لان الزراعة وجودها في العظم بيحافظ ان مستوي العظم واللثة يفضل عند المستوي بتاعه ميحصلش فيه اي تآكل اما التركيبات بعد فتره طبعا مستوي العظم بيقل في مكان الضرس المخلوع وبالتالي بتصبح التركيبة مش قافله كويس مع اللثة وبيبدأ يدخل اكل تحت التركيبات وده بيسبب التهابات وكمان رائحه مش ظريفه للفم .

كمان الزراعة مش بتحتاج اننا نبرد الاسنان السليمة المجاورة للأسنان المخلوعة زي ما بنعمل في حاله التركيبات.

الزراعة نفسها مبقتش تاخد وقت اكتر من ربع ساعه وبتكون ببنج موضعي مش كلي زي ما كتير متخيلين وفي حالات كتير دلوقتي مش بتحتاج نفتح ونخيط 😊

هدفي النهاردة اني اوضحلكم ان الزراعة افضل من التركيبات وان الزراعة مبتخوفش ومفيهاش وجع ولا الفوبيا الرهيبة اللي متاخده عنها دي.

لمزيد من المعلومات:

د. محمد خليفه

عضو الأكاديمية الأمريكية  لتجميل الاسنان

وطبيب بالجمعية المصرية لزراعه الاسنان

13 شارع محمود رضا سيدي بشر الإسكندرية

تليفون: 01001624787

صفحة الفيس بوك: https://www.facebook.com/dentist.khalifa/

التعليقات

التعليق