الاهتمام بالأسنان في فترة الحمل والرضاعة

كثير من السيدات بتعاني من مشاكل كبيرة في أسنانهم خاصة في فتري الحمل والولادة وفي هذا المقال يوضح دكتور محمد خليفة عضو الأكاديمية الأمريكية لتجميل الاسنان وطبيب بالجمعية المصرية لزراعة الاسنان  كيفية تفادي هذه المشاكل

كتير من المرضي بتكون اسنانهم ضحيه للحمل والرضاعة 😖 وللأسف ده لانهم اهملوا في الاهتمام بأسنانهم خلال فترة حملهم او فترة الرضاعة .

هو المفروض يعني الفترة دي لها اهتمام خاص ولا مش حتفرق كدا كدا اسنانا بتدفع التمن ؟! 🤔

لا طبعا اسنانكم بتدفع التمن لأنكم مكنتوش مدركين خطورة المرحلة دي في التأثير علي صحة اسنانكم 🤗

طيب يا دكتور ممكن تقولنا في الاول ايه الاسباب اللي ممكن توصلنا لكدا ؟

الاسباب كتير فيه منها انتي سبب مباشر له وفيه غصب عنك بمعني انك لازم تكوني عارفه ان بمجرد حملك الهرمونات بتزيد في جسمك ودا بيكون له علاقة ان بيحصل التهابات في لثتك واي مشكلة في اسنانك ممكن تزيد فجأة !!

طيب قبل ما تكمل يا دكتور باقي الاسباب السبب دا حنتفاداه ازاي ؟! 😏

حنتفاداه باننا قبل ما ندخل في الجواز او قبل ما نفكر في حمل جديد لازم نزور طبيب الاسنان ويعالج اي حاجة في اسنانك فيها مشكلة  علشان كل ده في فترة الحمل خطورته حتزيد وحيكون حلها اصعب لانك في فترة الحمل مينفعش تتعرضي لأي اشعة وبتاخدي البنج بنسب معينه فمتصعبيش الدنيا علي نفسك 😔

طيب ايه باقي الاسباب ؟

للأسف من ضمن اعراض الحمل ان عضلات المعدة  بتضعف وبيكون فيه غثيان مستمر خاصه فترة الصبح طبعا بيكون فيه احماض من المعدة ودي شديدة الحموضة بتأثر علي مينا الاسنان 😫

طب وايه حلها دي كمان ؟

حلها بسيط اننا لازم نستخدم مضمضه بعد اي مرة حصلنا غثيان فيها بس لازم تكون بعد الغثيان بنص ساعة مش اقل ولا اكتر من كدا وكمان لازم كل شهر تزوري طبيب الاسنان علشان تتأكدي ان ده مأثرش علي اي حاجة في اسنانك ولو اثر لقدر الله تتعالج في اولها 😊

اخيرا لازم ندرك اهميه الاكل بالنسبة لصحة اسنانا لان أيا كان في فترة الحمل او الرضاعة فانتي بتضحي بكميه كالسيوم محترمة لابد يكون فيه عوض عنها في اكلك لان الاهمال في ده حيكون ضحيته عظامك واسنانك مهما كانت درجة اهتمامك بنظافتهم 😥

لمزيد من المعلومات:

د. محمد خليفه

عضو الأكاديمية الأمريكية  لتجميل الاسنان

وطبيب بالجمعية المصرية لزراعه الاسنان

13 شارع محمود رضا سيدي بشر الإسكندرية

تليفون: 01001624787

صفحة الفيس بوك: https://www.facebook.com/dentist.khalifa/

التعليقات

التعليق