حشو العصب للأطفال

ازاي نحمي أسنان ولادنا بعد حشو العصب وليه بنعمل حشو عصب في سن صغير لسنه كده كده حتتبدل ده اللي حيقولنا عليه دكتور محمد خليفة عضو الأكاديمية الأمريكية  لتجميل الاسنان وطبيب بالجمعية المصرية لزراعه الاسنان

كتير من اطفالنا نتيجة الاهمال بنظافة اسنانهم بيحصل تسوس للأسنان اللبنية واللي احيانا التسوس ده بيوصل للعصب عندهم فبيكون الحل ان الاسنان اللبنية دي بيتعملها علاج عصب لكن زي ما في حالات الاسنان الدايمه بعد حشو العصب بنحتاج لكراون ( تلبيسه ) برضه الاسنان اللبنية بتحتاج كراون معدن ودا عشان يحافظ عليها من الكسر لان الاسنان دي اه بعد حشو العصب الوجع بيروح لكن بتكون بقت ضعيفة جدا ومعرضه للكسر بسهوله عشان كدا لازم نعمل الكراون المعدن عشان نحافظ عليها لحد ما يجي وقت انها تقع وتطلع مكانها السنه الدايمه .

دايما بتسأل السؤال دا …

بدام حتتغير يا دكتور ايه المشكلة حتي لو انكسرت ؟!

المشكلة ان الكسر ده ممكن يؤدي ان السنه تتخلع بدري عن معاد تبديلها ووقتها يبقي ضيعنا كل اللي عملناه وحنحتاج وقتها نخلع ونعمل حافظ مكان وقصه طفلك في غني عنها  لأنك لو معملتيش حافظ المكان وقتها دا حيخلي ترتيب اسنانه وشكلها يكون مش كويس وحيحتاج تقويم عشان كدا لازم نخلي بالنا كويس 😊

لمزيد من المعلومات:

د. محمد خليفه

عضو الأكاديمية الأمريكية  لتجميل الاسنان

وطبيب بالجمعية المصرية لزراعه الاسنان

13 شارع محمود رضا سيدي بشر الإسكندرية

تليفون: 01001624787

صفحة الفيس بوك: https://www.facebook.com/dentist.khalifa/

التعليقات

التعليق