أهمية استحمام الأطفال في الشتاء من دكتورة غادة شوشة

كتير من الأمهات بيبقى عندهم حالة من القلق والتردد من فكرة استحمام أطفالهم في الشتاء ودرجات الحرارة المنخفضة اعتقاد منهم أن قلة الاستحمام حتحميهم من نزلات البرد وبيكون سؤالهم المعتاد ليه لازم الاستحمام في الشتاء أصلا؟ ما احنا بنغير لهم هدومهم كلها مرتين في الأسبوع وبنظف جسمهم  بالمناديل المبللة؟ عشان كده دكتورة غادة شوشة استشاري أمراض الحساسية والمناعة في الأطفال بتقدم في المقال ده مجموعة من النصايح لقراء موقع طبيب اونلاين وخصوصا الأمهات عشان يهتموا أكتر باستحمام ولادهم أي كان ظروف الطقس اللي حوالينا.

🔖 ليه لازم الاستحمام في الشتاء أصلا؟ ما احنا بنغير لهم هدومهم كلها مرتين في الأسبوع وبنظف جسمهم  (مناديل مبللة)؟

–  النظافة من الإيمان.
–  قلة الاستحمام ممكن يعمل ريحة  مش ظريفة😷🤢  ده غير أن في كائنات حية ممكن تظهر على الاولاد😄🐜🐛.
–  قلة الاستحمام ممكن تعمل تسلخات والتهابات في الجلد وممكن توصل لخراج.
–  الجلد والشعر كائنات حية محتاجة تتنفس ومحتاجة مية ومحتاجة عناية ورعاية.

* يا دكتورة ما أنا تعبت، كل ما أحمي الولد يدخل مستشفى وجلسات بخار والتهاب رئوي…. أعمل إيه؟

فيه شوية خطوات، إذا التزمنا بيها حنحمي أولادنا من أدوار البرد المتكررة بعد الاستحمام، ونحافظ على نظافتهم:

–  الاستحمام مرة كل أسبوع على الأقل.

–  يُفضل الاستحمام يكون بالنهار عموما في وقت الصبح أو العصر وخصوصا في الأيام المشمسة.

–  نحاول ندفي الحمام كويس قبل ما ندخل الطفل عشان الطفل يستمتع ويتبسط 🛀ممكن نستغنى عن عدد قطع الملابس الكبيييير بقطعتين تلاته ونعتمد على استخدام الخامات اللي بتدفي ومننساش أنالطبقة اللي تحت دايما تكون قطن كم طويل.
–  نسرح شعرهم جوه الحمام 💆‍♀️ ونهوي الحمام بالتدريج، ونلبس 🧣🧦🧢 على الأقل أول نص ساعة بعد الحمام

–  ياريت نجهز حاجة دافية الطفل يشربها أول ما يطلع من الحمام شاي بلبن، ينسون، كاكاو، شوربة دافية، أي حاجة تدفي زوره.

–  لو الجو مشمس ودفا نستغل الجو الحلو ده ونحاول نقعد شوية في الشمس عشان الجسم يتدفى.

–  أما بالنسبة لحبايبنا اللي عندهم حساسية تنفسية وماشيين على بخاخات، ممكن نديهم  بخة إضافية بعد الاستحمام (سواء بخاخات أنف أو صدر).

💎 من كتاب أصول الاستحمام في البرد الشديد 📖😄

#دمتم_أصحاء
لمزيد من المعلومات:
  د/ غادة شوشة استشاري

 مدرس واستشاري طب الأطفال وحديثي الولادة بكلية الطب
استشاري أمراض الحساسية والمناعة والأمراض الروماتيزمية للأطفال
*مستشفى د. عبد القادر فهمي: 23 شارع حسن أفلاطون متفرع من شارع النزهة أرض الجولف
يومي الأحد والخميس من الساعة 7 م
تليفون: 222918700
*عيادة مدينة نصر: 22 شارع الطيران بعد مسجد رابعة العدوية فوق فودافون
أيام السبت والاثنين والأربعاء من الساعة 8 م
تليفون: 011101006434
*مستشفى كليوباترا مصر الجديدة: 41 شارع كليوباترا الكوربة
يوم الثلاثاء من 5 الى 7 م
تليفون: 19668  
*عيادات كليوباترا التجمع الخامس: خلف جامعة المستقبل
يوم الخميس من 4 الى 6 م
تليفون: 19668   
صفحة الفيس بوك: https://www.facebook.com/drghadashousha/