عشان الفزع اللي موجود بسبب فيروس كورونا دكتورة غادة شوشة استشاري أمراض الحساسية والمناعة في الأطفال حتوضح شوية نقط لقراء موقع طبيب اون لازم ناخد بالنا منها لحماية الأطفال وكمان الكبار
🔸اعراض الفيروس ده شبه أعراض الانفلونزا الشديدة: حرارة 🤒 عطس ورشح 🤧 تعب وارهاق وآلام في الجسم 🤕 وفي بعض الحالات ترجيع واسهال 🤮🤯
🔸 طيب
بيتنقل ازاي؟
زي أدوار البرد بالضبط.. العطس والكحة، الرذاذ اللي بيطلع وبيلزق في
الايدين وفي الأثاث والمفروشات والأدوات، وممكن تحصل العدوى بالتلامس مع الرذاذ ده
او التعامل المباشر مع الشخص المريض.
🔸ايه
الفرق بينه وبين اي دور برد عادي؟
الفرق ان الأعراض التنفسية زيادة شويتين ، ممكن يعمل التهاب رئوي وفشل
تنفسي.. وهي دي خطورته الحقيقية
🔸هل ليه
علاج أو تطعيم؟
للأسف لا.. العلاج كله للأعراض مع الراحة التامة والاكل الصحي..
ولسه مفيش تطعيم ضده
🔸طيب ازاي
نحمي أولادنا؟
نعلمهم عادات ديننا الصحية:
🌸غسيل
الايدين بالصابون هام جدا، ونعلمهم يغسلوا ايديهم كويس وبطريقة صحيحة، بعد الحمام،
قبل الأكل، وبعد الكحة اللي فيها بلغم وبعد العطس.
🌸نعلمهم
يستخدموا المناديل وقت الكحة والعطس والرشح طبعا 🤧
ولو مفيش منديل وهيعطس، يبقى يعطس في كم الهدوم (يعني يخلي دراعه كله
على وشه ويعطس في الكم من فوق) وبعد كده طبعا يجيب منديل ويغسل ايده كويس
🌸بلاش
الاختلاط مع حد عنده اعراض برد
✅موضوع
الماسك 😷 مستحب على الإطلاق لأنهم
أطفال، مش هيستحملوه طول الوقت، مش هيلبسوه بطريقة صحيحة، هيلعبوا بيه وممكن
يتبادلوه ويقيسوه على بعض… يعني طريقة انتشار عدوى مش وقاية
✅والديتول؟
احنا محتاجين نضافه مش تعقيم، يعني اي صابون هيكون كافي… الديتول مشكلته انه
بيعمل حساسية تنفسية، يعني الاولاد ممكن يكحوا ويأزموا بسبب الديتول اكتر من أدوار
البرد نفسها..
وعموما الأم اللي عايزة تعقم فعلا، تستخدم كلور او كحول ٧٠٪، لأن
الديتول مش احسن معقم
🔸نعقم ولا ننضف؟
✅
التعقيم بيموت البكتريا النافعة والضارة، والبكتريا النافعة دي جزء من
جهازنا المناعي، وموجودة على الجلد وفي الفم ✅والأنف، يعني بتحمينا مش بتضرنا، لكن النضافة بتشيل الاتربة والاوساخ
اللي موجودة على الجلد واللي منها الفيروسات والبكتريا الضارة
#دمتم_أصحاء
لمزيد من المعلومات:
د/ غادة شوشة استشاري مدرس واستشاري
طب الأطفال وحديثي الولادة بكلية الطب
استشاري أمراض الحساسية والمناعة والأمراض
الروماتيزمية للأطفال
*مستشفى د. عبد القادر فهمي: 23 شارع حسن أفلاطون متفرع من شارع
النزهة أرض الجولف
يومي الأحد والخميس من الساعة 7 م
تليفون: 222918700
*عيادة مدينة نصر: 22 شارع الطيران بعد مسجد رابعة العدوية فوق
فودافون
أيام السبت والاثنين والأربعاء من الساعة 8 م
تليفون: 011101006434
*مستشفى كليوباترا مصر الجديدة: 41 شارع كليوباترا الكوربة
يوم الثلاثاء من 5 الى 7 م
تليفون: 19668
*عيادات كليوباترا التجمع الخامس: خلف جامعة المستقبل
يوم الخميس من 4 الى 6 م
تليفون: 19668
صفحة الفيس بوك: https://www.facebook.com/drghadashousha/
