فيروس الكورونا وأعراضه لسه مستمرة في الظهور بدون توقف حتى وان كانت أقل حدة, لكن هل فعلاً الأطفال أقل عرضه للإصابه بالفيروس وايه هي الأعراض اللى مينفعش نتجاوزها لو ظهرت على الأطفال لا قدر الله ده اللي حتوضحه دكتورة غادة شوشة استشاري أمراض الحساسية والمناعة في الأطفال لقراء موقع طبيب اون لاين
هو فيه كورونا فعلا؟
طبعا فيه وفي بلاد كتير مش بس مصر، وفي كل محافظات مصر، وتقريبًا كل عيلة فيها على الأقل واحد مصاب
بس أكيد مش عنيفة زي الاول والحالات قلت؟
الحالات بتزيد للأسف…. لكن الأعراض بتختلف من شخص للتاني، ومفيش قاعدة ثابتة بتحدد مين أعراضه شديدة ومين مش هيحس بأي أعراض
بس قالوا ان مفيش كورونا بتيجي في الأطفال!
يمكن الأعراض بشكل عام أخف و اصابتهم بالعدوى أقل والمسحات في كتير من الأطفال بتكون سلبية.
لكن اللي شفناه في الأسابيع اللي فاتت هو ان فيروس كورونا بيعمل مضاعفات خطيرة في الأطفال، وبيجي بصور مختلفة عن الكبار :
- حرارة عالية وأعراض تنفسية زي الكبار.
- اسهال شديد ومغص وممكن كمان ترجيع.
- جلطات في الصوابع، وممكن احمرار في الجلد شبه الحروق.
- فشل في عضلة القلب، جلطات في الشرايين التاجية.
- تشنجات، حركات لا إرادية وممكن توصل لشلل.
- غيبوبة وهبوط في ضغط الدم وحمضية في الدم.
- التهابات في العين والفم والجلد.
خضيتينا يا دكتورة، ايه الكلام ده؟
دي الحالات اللي بتتأخر في التشخيص، واللي الاهل بيستهينوا في حمايتهم وعزلهم، والمخالطين لحالات إيجابية في نفس البيت
او اللي عندهم أمراض مزمنة ، زي نقص المناعة، السكر، سرطانات، أمراض روماتيزمية ، فشل كلوي، حساسية صدرية شديدة.
يعني اي طفل عنده مرض مزمن لو جت له كورونا هتبقى عنيفة كده؟
مفيش قاعدة ثابتة,نعمل اللي علينا ونحافظ على أولادنا
– الخروج للضرورة.
– لبس الكمامة.
– غسيل الأيدي باستمرار.
– الأكل الصحي والتهوية الجيدة.
-وأهم حاجة ، العزل عن أي مصابين أو مشتبه في اصابتهم.
*ظهور اي اعراض غريبة عند الطفل، لازم نسأل الدكتور ونستشيره
لمزيد من المعلومات:
د/ غادة شوشة استشاري مدرس واستشاري طب الأطفال وحديثي الولادة بكلية الطب
استشاري أمراض الحساسية والمناعة والأمراض الروماتيزمية للأطفال
*مستشفى د. عبد القادر فهمي: 23 شارع حسن أفلاطون متفرع من شارع النزهة أرض الجولف
يومي الأحد والخميس من الساعة 7 م
تليفون: 222918700
*عيادة مدينة نصر: 22 شارع الطيران بعد مسجد رابعة العدوية فوق فودافون
أيام السبت والاثنين والأربعاء من الساعة 8 م
تليفون: 011101006434
*مستشفى كليوباترا مصر الجديدة: 41 شارع كليوباترا الكوربة
يوم الثلاثاء من 5 الى 7 م
تليفون: 19668
*عيادات كليوباترا التجمع الخامس: خلف جامعة المستقبل
يوم الخميس من 4 الى 6 م
تليفون: 19668
صفحة الفيس بوك: https://www.facebook.com/drghadashousha/
