مشكلة زيادة الوزن والشهية المفتوحة أزمة بتواجه كتير مننا سواء في فصل الصيف عشان جو المصيف والسهر أو الشتاء والساقعة اللي بنهرب منها بالأكل عشان يدينا طاقة تدفينا طب ازاى نحل أزمة الشهية المفتوحة بطريقة سهلة وبسيطة؟ دي المعلومات اللي حيوضحها خبير التغذية محمد العربي لقراء موقع طبيب اون لاين
لو شهيتك مفتوحه ومش قادر تتحكم فيها ومش قادر تعرف السبب فالموضوع بسيط جدا السبب هو ان في هرمون محفز من ضمن هرمونات السعادة اسمه هرمون الدوبامين يعتبر أحد الهرمونات المحفزة
يعني هوا العامل المؤثر اللي بيحفزك انك تعمل اي حاجه زي انك تقوم تاكل وفي حالة إفراز الهرمون ده بتحس بحالة من السعادة عشان كده الناس الي عندها اكتئاب غالباً بياكلوا بشراهة ونت غير احساس بالجوع وده عشان جسمهم يعادل هرمونات التوتر فيفرز الدوبامين فتحس انك سعيد فتأكل اكتر واكتر وكل ما تكتئب تأكل اكتر تهرب من احساس التعب وعدم الشعور بالرضا بالأكل خصوصاً أنواع الأكل المليانة بنسب عالية من الدهون والسكريات
لكن للأسف السكريات والدهون الكتير بتساعد على تحيفز الدوبامين لكن بعد فتره حيبدأ يقل هرمون الدوبامين فبالتالي حتزود جرعتك من الاكل وتدخل في دوامه انك بتفقد السيطرة علي شهيتك تماماً ومتعيش بمبدأ الأكل للأكل وتاكل لحد ما بطنك توجعك
طب ازاي ممكن نتجنب المشكلة الكبيرة دي وايه طرق حلها؟
الحل بسيط جداً وهو صيام الدوبامين
يعني ايه صيام الدوبامين؟
هو أنك تبدأ بيوم واحد كل اسبوع تخليه يوم صحي تلعب رياضة تعتمد أنواع صحية من الأكل وتبعد عن التوتر وتعمل تأمل وتسمع مزيكا هاديه أو تسمع قرآن وتخليه يوم للعادات الصحية والسليمة
يوم واحد بس كبداية وبعدين ندخل في مرحلة التحدي ونزود يومخ السعادة ليومين وثلاثة مع الوقت الموضوع حينعكس عليك جداً الوزن حيقل وصحتك حتكون أفضل وحتقدر تتحكم في نفسك بصورة عامة وفي أسلوب أكلك بصورة خاصة.
طب لو حسيت بالجوع أعمل ايه؟
الحل بسيط جداً ربنا خلقلنا مجموعة خضروات وفاكهة في منتهى الجمال والروعة ومشبعة جداً
كمان غي شوية عادات بسيطة لو عودت نفسك عليها حتفرق معاك بصورة ايجابية جداً
حاول تنظم اكلك علي قد ما تقدر نظم وقته ومواعيده عشان جسمك يتعود يفرز هرمون الجوع الجرلين هرمونوالليبتين هرمون الشبع في وقت معين ودا حيساعدك جدا
عود نفسك على الصحيان بدري واتفرج علي حجات تضحكك وتخرجك من ااى احساس بالحزن أو الكآبة عود نفسك على الرياضة والحركة والمشي
لمزيد من المعلومات:
خبير التغذية دكتور: محمد العربي
#Dr_nutrition
#Mohamed_Arby
تليفون: 01060880900
ايميل: M.arby5792@gmail.com
صفحة الفيس بوك: https://m.facebook.com/mohamed.araby.56232938
