أضرار الخروج من البيت على الأطفال خلال هذه الفترة من دكتورة غادة شوشة

بعد انتشار فيروس كورونا المستجد وما تبعه من قرارات على جميع المستويات, كان أصعبهم على الأطفال هو اغلاق المدارس والنوادى وكل وسائل الترفيه الخاصه بهم وبالتالي بدأت حالة الملل والضيق تظهر عليهم وكل يوم بتزيد أكترعن هذه الحالة وعن كيفية التغلب على هذا الشعور توجه  دكتورة غادة شوشة استشاري أمراض الحساسية والمناعة في الأطفال مجموعة نصائح لقراء موقع طبيب اون لمساعدة أولادهم في التخلص من هذه الحالة

☝️الولاد زهقوا من قعدة البيت
☝️مش لاقيين حاجة نعملها في الحظر
☝️هنسافر يومين اسكندرية واللا السخنة علشان يغيروا جو
☝️طيب مشوار بسرعة للسوبر ماركت
☝️العيد قرب وعايزين نجيب لبس العيد
☝️فرح جارتنا على الضيق كده

💥 كل دي أعذار وحجج علشان نخرج أولادنا من البيت ونكسر دايرة الملل اللي هم عايشين فيها

– ايه أضرار الخروج من البيت والاختلاط في الفترة دي؟
🎯 الحالات بقت اكتر وأوسع انتشارا، وفيه ناس كتير مش بيبان عليها اعراض

🎯 العدوى بقت أسهل، والأطفال صعب السيطرة عليهم

🎯 الكورونا في الأطفال شديدة ومؤذية زي الكبار وممكن أشد

🎯 صعب الطفل يلتزم بلبس الماسك بشكل صحيح طول الوقت والحفاظ على مسافة بينه وبين اللي حواليه

طيب نسليهم ازاي؟
– حقولكم شوية أفكار
🔔 نعلمهم الوضوء والصلاة، ونبدأ تحفظهم قرآن ونراجع معاهم حتى لو نص ساعة كل يوم

🔔 القراءة مهمة جدا، مهم انهم يقرأوا، عربي وانجليزي واي لغة تانية بتعلموها للأولاد, ومهم كمان اننا نقرأ لهم ونشرح لهم قصص موحية ومفيدة

🔔 فيه فيديوهات على اليوتيوب تعليمية بشكل شيق، والأولاد بيندمجوا معاها جدا

🔔 نخليهم يساعدوا في البيت ويتعاونوا

🔔 لو سنهم يسمح، ممكن نعلمهم حاجات بسيطة، أعمال يدوية ونتعلمها معاهم

🔔 فرصة نعلمهم ازاي يوفروا ويقتصدوا في المصاريف

🔔 ننمي أي مهارة عند الطفل، زي الرسم او الموسيقى او غيره

🔔 نحافظ على ممارسة تمارين رياضية يوميا

🔔 لعب تنمي الذكاء زي الشطرنج وبنك الحظ وغيرها، ودي كمان هتعلمهم المشاركة وهتخلي تفكيرهم أنضج نوعا ما

🔔 اسمعوهم، لأن في العادي ما عندناش وقت نسمعهم

🔔 واللي عندهم بروجكت، بلاش تتعاملوا معاه على أنه عقاب، فرصة نتعلم حاجة جديدة مع أولادنا ونشاركهم حاجة تهمهم ونعلمهم بحب

#الكورونا_وباء
#فرصة_تقرب_من أولادك وتعلمهم
#استغلوا_الحظر_صح
#دمتم_أصحاء

لمزيد من المعلومات:
  د/ غادة شوشة استشاري مدرس واستشاري طب الأطفال وحديثي الولادة بكلية الطب
استشاري أمراض الحساسية والمناعة والأمراض الروماتيزمية للأطفال
*مستشفى د. عبد القادر فهمي: 23 شارع حسن أفلاطون متفرع من شارع النزهة أرض الجولف
يومي الأحد والخميس من الساعة 7 م
تليفون: 222918700
*عيادة مدينة نصر: 22 شارع الطيران بعد مسجد رابعة العدوية فوق فودافون
أيام السبت والاثنين والأربعاء من الساعة 8 م
تليفون: 011101006434
*مستشفى كليوباترا مصر الجديدة: 41 شارع كليوباترا الكوربة
يوم الثلاثاء من 5 الى 7 م
تليفون: 19668  
*عيادات كليوباترا التجمع الخامس: خلف جامعة المستقبل
يوم الخميس من 4 الى 6 م
تليفون: 19668   
صفحة الفيس بوك: https://www.facebook.com/drghadashousha/

Top of Form

Bottom of Form