أنظمة الدايت والريجيم كتير جداُ ومتنوعه في منها اللي أثبت نجاحه مع البعض وفى أنظمة تانية محققتش المطلوب منها لأسباب كتير
لكن الصيام المتقطع من الأنظمة الجديدة نسبياً اللي أثبتت نجاحها بصورة كبيرة في خسارة الوزن بطريقة صحية ومتوازنة عن الصيام المتقطع ايه هو وايه فوايده وازاى نقدر تطبقه على نفسنا ونحوله من مجرد نظام غذائي لأسلوب حياة كل ده حتوضحه دكتورة إيمان حسين اخصائي امراض الباطنة بجامعه الإسكندرية لقراء موقع طبيب اون لاين
مدرستنا في التغذية هي الصيام المتقطع لأنه مش مجرد دايت ده اسلوب حياة
طب ايه هو الصيام المتقطع ؟
هو تغير في مواعيد الاكل بما يناسب ظروفك
و ممكن يطبق مع أي نظام دايت و لأي شخص ماعدا مرضي السكر و الحوامل و المرضعات و الأطفال🤔
الفوائد :
1- علاج مرض مقاومة الانسولين (شبح السمنة )
لأن الصيام المتقطع بيعمل علي ثبات مستوى السكر في الدم و بالتالي خفض مستوى الأنسولين و هو الهرمون المسؤول عن تخزين الدهون و بالتالي يعالج اهم اسباب السمنة.
2- رفع هرمون النمو و اللي بيعمل على بناء العضلات و المحافظة علي الكتلة العضلية للجسم اللي هي مصدر الحرق.
3- كمان بيساعد الخلايا علي التخلص من السموم free radicals المسبب الأساسي للسرطان.
4- الصيام المتقطع بيعمل على خفض مستوي الكوليسترول الضار في الدم و تقليل نسبه الإصابة بالجلطات.
ازاي نطبقه؟؟
الصيام المتقطع له طرق كتير جدًا بس أبسطهم صيام 16 ساعة و أكل 8 ساعات و ليك حرية اختيار الوقت المناسب في الصيام و الأكل، بمعنى أصوم بالنهار و أكل بليل أو العكس.
ايه المشروبات المسموح بيها في ساعات الصيام ؟
اغلب المشروبات خاليه السعرات بدون سكر او عسل او لبن زي:
– القهوة الخضراء او السادة.
– الشاي الأخضر.
– الينسون, الزنجبيل, القرفة, الكرفس, البقدونس.
الأكل يا دكتور اكل اي حاجه؟
ده اهم اسباب فشل الصيام المتقطع
لازم تاكل اللي يفيدك و تبعد عن الأكل السريع fasting food.
يلا نجرب نطبق:
مثال لو فطرت ١٢ص أوقف أكل ٨م وأفضل صايم لـتاني يوم ١٢ ص وتبدأ تدريجي لغايه ما توصل للي انت بتحلم بيه.
في النهاية الصيام المتقطع أسلوب حياه وممكن يطبق مع أي نظام دايت.
لو عايزين تعرفوا معلومات أكتر عن الصيام المتقطع وغيرها من المعلومات الصحية المفيدة تقدروا تشاركونا على جروب الفيس بوك من خلال الرابط ده:
https://www.facebook.com/groups/2633245206897434/
لمزيد من المعلومات:
د/ ايمان حسين
أخصائي التغذية العلاجيه البورد الأمريكي في التغذية العلاجية والصحة العامة
عضو الجمعية المصرية للتغذية الصحية
دبلوم القلب الوقائي معهد البحوث جامعة الإسكندرية
العنوان: سموحه شارع النصر عمارات السلام عمارة سلسبيل الدور الأول
تليفون: ٠١٠٩٢٨٩٦٨٣٩
صفحة الفيس بوك: https://www.facebook.com/Emaclinic/
جروب يوميات دكتور تغذية: https://www.facebook.com/groups/2633245206897434/
الايميل: Mallkkaanis@gmail.com
