مشكلة فظيعة بتواجه معظمنا في الشتا والسقعة وهو الإحساس بالجوع بصورة مستمرة وبالتالى بناكل كتير وبعدين نلاقي مشكلة أكبر وهي زبادة الوزن بصورة ملحوظة طب ازاى نتغلب على الاحساس ده؟ وازاي نتحكم في شهيتنا المفتوحة طول الوقت؟ ده اللى حيجاوب عليه خبير التغذية محمد العربي لقراء موقع طبيب اون لاين
انا سقعان وجعان يا بيه 😂 انا بجوع وانا باكل يا بيه 😂
ازاى نخس في الشتاء 💪💪💪💪
معتقد شائع ان الشتاء بيوقف الحرق ليه عشان
بنتخن فمدام بنتخن يبقا الحرق بيقل
والعكس صحيح تماما ان الشتاء جسمك بيحرق
اكتر من الصيف لانه بيحتاج للدفيء ودا بيخليه يحرق سعرات حرارية كبيره بس انت الي
دب قطبي 🐻🐻
فلو قدرت تحافظ علي قدر معتدل من التغذية
مناسبه السعرات جسمك حيخس في الشتاء
أو علي الاقل مش حيزيد
المشكلة كلها في اننا في الشتاء بنعمل بيات
شتوي ونقلد الدب القطبي 🐻🐻 في انه
ياكل وينام
وطبعا المجهود المبذول هو المجهود الضروري
من وجهة نظرنا زي الشغل
انما المجهود المفترض بذله من رياضه وسفر وخروج من البيت بيتوقف خالص مفيش حركة ولا نشاط وطبعا ده بيأثر بصورة سلبية علي جسمك وبيدخلك في مرحله الاكتئاب الجميل الى لازم نمر بيه ويمر بينا وساعات بيجرحنا والعدس يهون علينا وحمص الشام والمحشي والشوكولاتة تطبطب علي جروحنا 😂 فنزيد 10/15 كيلو ونلاقي اللبس ضاق والوسط مبقاش يقفل ولما حد يسألك انت تخنت؟ نرد نقول لا متقولش كدا لا😂
ده اللبس الشتوي كتير عشان بسقع 😂
طب وايه الحل 💪👇
فالحل انك تبدا في تعديل عاداتك من تغذيه
ورياضه ونشاط
نصائح بسيطة:
– خلي عدد وجباتك كتيره
ولكن قليله الحجم والسعرات افضل ما تكون كبيره وقليله وكل ساعتين دخل جسمك شيء من الفاكهة والخضار
فبالتالي احساسك بالجوع حيقل وكميه الاكل
كمان حتقل والحرق حيزيد.
– مارس نشاط رياضي ع الاقل
نصف ساعه يوميا او 3 مرات اسبوعيا ساعه في المرة عشان الحركة بركة أبسط نشاط ممكن
ممارسته المشي.
– خلي وجبتك الرئيسية تكون
الغداء مثل ربع فرخه + 7 ملاعق رز +طبق سلطه كبير
– في خلال النهار قبل 5
علي الأكثر قبل 7 مش بعدها لو ملحقتش تتغدى قبل 7 خلي وجبتك بسيطة
– متتعشاش وتنام مضر جدا
وبيعمل بطن وبردوا متتعشاش وتنام لان الشتاء بناكل علي السرير اساسا
– مارس نشاط علي قد ما تقدر
حيدفيك والله
– وللحفاظ علي حراره جسمك كتر من السوائل الدافئة والحبوب الكاملة
لمزيد من المعلومات:
خبير التغذية دكتور/ محمد العربي
#Dr_nutrition
#Mohamed_Arby
تليفون: 01060880900
ايميل: M.arby5792@gmail.com
