كتير من مشاكل التسوس بيبقي حلها الوحيد هو حشو العصب لكن كتير مبيهتمش بتركيب تلبيسه بعد عملية حشو العصب وفي المقال ده حيوضح دكتور محمد خليفة عضو الأكاديمية الأمريكية لتجميل الاسنان وطبيب بالجمعية المصرية لزراعة الاسنان لقراء موقع طبيب اون لاين أهمية تركيب الكراون
عملت حشو عصب بس حشو الضرس وقع او اتكسر او الضرس كمان اتكسر ؟!
مشكله بتقابل اي حد عمل حشو عصب وللأسف تكاسل او طنش انه يعمل كراون او تلبيسه للضرس دا 😩
معظم الاسنان بعد حشو العصب بتحتاج لكراون علشان يحافظ عليها ويحميها من الكسر ودا لان الضرس طالما التسوس وصل للعصب فمعني كدا انه اخد جزء كبير من الضرس وطبعا لازم بنشيل كل الاجزاء المسوسة دي وبالتالي بيكون الضرس ضعيف وكمان لونها بيتغير وبيكون غامق كل دا بيحتاج اننا لازم نعمل الكراون دا علشان نحافظ عليه من الكسر بسبب قوه مضغ الاكل وكمان في الاسنان الأمامية بنقدر نحافظ ان لون الاسنان يفضل بنفس لون بقيه الاسنان
علشان كدا لو عملت حشو عصب ومكسل عن خطوه الكراون دي فلازم تعملها ولو الحشو اتكسر بالفعل او وقع لازم تلحق ضرسك لان ممكن في الاخر الضرس يتكسر تماما كله وبالتالي هنضطر في حالات كتير نخلعه للأسف .
لمزيد من المعلومات:
د. محمد خليفه
عضو الأكاديمية الأمريكية لتجميل الاسنان
وطبيب بالجمعية المصرية لزراعه الاسنان
13 شارع محمود رضا سيدي بشر الإسكندرية
