توضيح هام يقدمه دكتور محمد خليفة عضو الأكاديمية الأمريكية لتجميل الأسنان وطبيب بالجمعية المصرية لزراعة الأسنان لقراء طبيب اون لاين حول الخطأ الشائع عن استخدام وصفات تبييض الأسنان
طبعا السوشيال ميديا بقت مليانه بوصفات التبييض المختلفة وميكسات رهيبة ما بين الفحم والليمون والبيكربونات ووصلت لأقراص الكربون بتاعة المعدة يا مفتريين.
طب وانت بتتريق ليه يا دكتور هيا مضره ولا ايه اصل انا استخدمتهم وبيضت اسناني فعلا !!
اه مضره طبعا اسنان حضرتك مش فار تجارب انك تجربي عليهم وصفه قبل ما تفهمي الحاجه دي حتبيض اسنانك ازاي .
الخلطات دي كلها بتبيض الاسنان عن طريق انها بتاكل جزء من طبقه المينا وطبعا بالصفار اللي عليها وبالتالي بتبيض بس حضرتك خسرتي اهم طبقه للمينا واكتر طبقه ناعمه وبالتالي دا حيخلى فيهم حساسيه وكمان حيكون اصفرارهم بعد كدا اسرع بكتير جدا من الطبيعي.
معاجين التبييض في الصيدليات مينفعش تستخدميها اكتر من مره في الاسبوع .
افضل طريقه لتبييض اسنانك هيا التبييض في عيادات الاسنان وبطريقه الليزر مش اي طريقه تانية لان دي بتخلص اسنانك من الصبغات من غير ما تآذي طبقه المينا.
الخلاصة لو عاوزه تبيضي اسنانك يبقي تبيضيهم بطريقه صح لكن الخلطات دي مش لأسنانك خالص دي تنفع لأكله سمك.
لمزيد من المعلومات:
د. محمد خليفه
عضو الأكاديمية الأمريكية لتجميل الاسنان
وطبيب بالجمعية المصرية لزراعه الاسنان
13 شارع محمود رضا سيدي بشر الإسكندرية
تليفون: 01001624787
صفحة الفيس بوك: https://www.facebook.com/dentist.khalifa/
