الضغط على الأسنان من أسوء العادات المضرة أزاي نتجنبها ونتجنب ضررها أسئلة حيرد عليها دكتور محمد خليفة عضو الأكاديمية الأمريكية لتجميل الاسنان وطبيب بالجمعية المصرية لزراعة الاسنان
النهارده هيكون كلامي معاكم عن موضوع مهم ويمكن من اكتر الاسباب اللي بتعمل مشاكل كتير في اسنانا !! 😣
كلامي معاكم هيكون عن الضغط علي الاسنان او الكز سواء اللي بيحصل غالبا واحنا نايمين او احيانا واحنا واعين لكن مبنقدرش نتحكم في ده او مبنحسش بيه واحيانا ناس بتحس بعد ما يعدي كام دقيقه وهما ضاغطين علي اسنانهم بشكل قوي جدا وفجأة يدركوا ده !!
طب ودا ممكن يكون له تأثير علي اسنانا ؟؟ 😦
اه للأسف ده من اكتر الاسباب اللي بتسبب ضعف للأسنان وتآكلها واحيانا توصل انها تتكسر بدون ما يكون فيها اي تسوس كمان ده بيأثر علي مفصل الفك ويسبب الالتهاب المستمر له و ايضا اصوات ضغط الاسنان علي بعض خاصه في فتره النوم بتؤدي لصداع احيانا بعد ما بنصحي من النوم .
طيب ايه سبب المشكلة دي ولها حل ولا لا ؟
السبب الرئيسي في الموضوع ده هو العصبية والضغط والحالة النفسية عشان كدا هنلاقي ده بيحصل وبيزيد وقت ضغط في الدراسة او الشغل او فيه اي حاله نفسيه مش كويسه لقدر الله .
الموضوع ده للأسف ملوش علاج يعني مفيش علاج غير ان الشخص ميكونش تحت اي ضغط او حاله نفسيه وحشه ودا صعب اننا نتحكم فيه لكن بقي فيه حل اننا نخلي الاسنان وقت الحركة دي متصطدمش ببعض ومتصدرش صوت خالص ودا اللي بتقدر عليه night guard ودي عباره عن ماده rubbery خفيفه جدا بتكون علي قد مقاس اسنان فك العلوي وبتلبسها وقت النوم او الوقت اللي متعود ان موضوع الكز ده بيحصلك فيه ودي بدورها بتمنع تلامس الاسنان ببعض او ان اي صوت يحصل وبالتالي بتجنب اي مشاكل ممكن تحصل بسبب الموضوع دا وفيه بعض الحالات عن تجربتي انا الشخصية قدرت كمان تخليهم يبطلوا العادة دي .
عشان كدا لو بتعاني من المشكلة دي مينفعش تستهون بها او تكسل عن انك تحد من تأثيرها علي اسنانك وتخلي دكتور اسنانك يعملهالك فورا.
لمزيد من المعلومات:
د. محمد خليفه
عضو الأكاديمية الأمريكية لتجميل الاسنان
وطبيب بالجمعية المصرية لزراعه الاسنان
13 شارع محمود رضا سيدي بشر الإسكندرية
تليفون: 01001624787
صفحة الفيس بوك: https://www.facebook.com/dentist.khalifa/
